SUBVENCIÓNS

Estamos actualmente con dúas subvencións.
Por un lado temos unha da consellería de cultura e deportes (DOG nª 103 do 29 de maio) para o desenvolvemento de actividades deportivas en concellos de menos de 10.000 habitantes (case todos).
Remata o prazo para a presentación sobre o 30 de xuño.
Subvencionan aluguer de instalacións, gastos de transporte e material funxible.
A cuantía económica para tódolos concellos e pequena 275.000 € que se repartimos entre os case 250 que somos da un total por concello de uns 1.100 €.
Supoño que algún recibira mais e algún nada, pero e o que temos.
Por outro lado saíu unha axuda da consellería de educación e ordenación universitaria (DOG nº 112 do 11 de xuño) para solicitar axudas económicas para a apertura dos centros educativos fora do horario lectivo.
Esta si unha orden importante e que a moitos dos concellos do interior nos pode sacar de moitos problemas.
O prazo para esta solicitude remata no prazo dun mes dende a publicación.
Este si teriamos que solicitala todos para de unha vez normalizar o uso dunha instalación publica en horario non lectivo.
Cambiando de tema, tamén avisar de que o concello de Ourense no BOP nº 132 do 10 de xuño, saca as bases xerais para a selección de funcionarios interinos no concello de Ourense e no Consello Municipal de Deportes.
Son prazas por 6 meses, pero pode ser unha forma de entrar nun concello grande e poder traballar.
Comentarvos que a comisión de deporte municipal de Agaxede, esta empezando a recibir algún apoio e xente que se ofrece voluntaria para votar unha man, e que en pouco tempo esperan comezar a facer un traballo xa organizado por zonas e provincias.
E polo momento pouco mais.
Antes de deixar de escribir por hoxe, quero dar a gracias a todos os que vedes este blog que xa pasamos das 800 visitas (paréceme incrible), solo pedirvos outra vez que participedes, que deixedes algún comentario.
Déixovos unha pregunta parar que me digades.
¿Qué opinades da Festa do Deporte? Saíu ben, participou moita xente, tivestes axuda, etc.

¿FESTA DO DEPORTE?

Primeira “Festa do Deporte”
Primeiro “Pluff do Deporte”
Sigo afirmando o mesmo que dicía, a idea paréceme moi boa. Especialmente porque de saír adiante en anos vindeiros, sería un día de referencia para todos nos, que se marcaríamos clausuras de escolas, días da bicicleta, día do deporte na rúa, etc.
Pero este ano a pesar das boas intencións dende a miña perspectiva, pasou o de sempre.
Unha idea dos políticos que os técnicos tivemos que organizar, estructurar, apechugar e pandar con ela.
Pensei que a repercusión mediática seria moi superior, pero na Voz de Galicia que fai de termómetro non fixo mais que unha pequena mención.
Non vin a repercusión mediatica que anunciaran dende a dirección xeral para o deporte.
Si me pareceu ben o tipo de material que enviaron a tódolos concellos. A maioría del e material de psicomotricidade que non se soe comprar e que e moi útil.
Algúns concellos xa tiñamos este tipo materiais pero considero que a maioría non polo cal paréceme correcto.
Nas camisetas pareceume pobre o debuxo e parecéronme poucas as que mandaron.
Se consideraban que seria tan grande a participación e dixeron que mandarían camisetas para tódolos participantes non se entenden casos como concellos (amigos) de 9.000 habitantes, solo recibiron 400 camisetas que supoñen menos do 5% da poboación.
De tódolos xeitos recoñezo que para ser o primeiro ano e un esforzo entregar todo esto e facelo en tempo.
Na organización o de sempre. Os técnicos a correr con todo sen persoal do concello que axude xa que e domingo, tiramos de amigos e clubs, etc.
No meu concello tivemos:
Pola maña (11:00-14:30)
2 campos de baloncesto 3x3, 2 de fútbol sala 3x3, 1 de bádminton, 1 de tenis, 1 de fut-tenis, 1 de cachivol, 1 rocodromo, 1 mesa de ping-pong, zonas de xogo con indiacas e malabares, zona de xogo tradicional con bolos, chave, petanca e porca.
Pola tarde (17:00-20:00)
9 mesas de xadrez, 2 de parchís, zonas de malabares (que por certo funcionaron moi ben), zoa de xogo tradicional con zancos, aros, ra, etc, e zoa de xoga para nenos.
Pola Noitiña (22:30-21:15)
Recorrido moi lento polas rúas no que participaron maioritariamente nenos e xente da 3ª idade.
Todo moi ben e bonito, pero sen persoal.
No noso caso o único que se involucrou de verdade foi o concelleiro, o cal xe e algo de agradecer. Disfrutou coma un enano, xogou a todo e todo o tempo.