Festa do deporte

Fai uns días recibíronse nos concellos unha carta da dirección xeral para o deporte para organizar a “Festa do deporte”.
Esta semana recibiuse unha nova misiva, avisando dunha reunión en San Lázaro, nas oficinas da dirección xeral para o deporte o luns 19, para organizar dita festa.
Comentando con varios compañeiros de concellos, a todos nos pareceu o mesmo, que e unha boa iniciativa pero que e con moi pouco tempo. A maioría dos concellos están rematando escolas, preparando a campaña de verán, etc.
Asistiremos a dita reunión e veremos en que remata todo.
Por certo, dita xuntanza e as 17:30 e as 19:30 no mesmo local terá lugar a reunión da directiva de Agaxede.
Intentarei saber que pasa nas dúas, e se podo o martes informarei das mesmas.

As Deputacions existen!!!

A Deputación de Ourense, na súa liña de traballo, oferta outro curso de especialización deportiva.
Angel Cid, responsable de deportes da Deputación de Ourense, sigue formando profesionais do mundo do deporte, dando exemplo de saber facer.
Sen desprezar o traballo de outras provincias, creo que a de Ourense é a que máis oferta no aspecto de formación e axuda os técnicos municipais. A magoa e que precisamente en Ourense e onde menos técnicos deportivos municipais existen.
Tamén informarvos de que saíu a oferta de formación da Deputación de Coruña onde como tódolos anos saen unhas xornadas para técnicos deportivos municipais.
Se non me fallan os datos, chamase “Debilidades e fortalezas do sistema deportivo municipal”, impartirase en Coruña (como sempre) no mes de setembro (como sempre) dende o 22 o 24.

Os libros para as inscricións están chegando nestes días os concellos.
Eu persoalmente calificaría a Miguel Sánchez (Deputación da Coruña) con un aprobado alto, e a Angel Cid (Deputación de Ourense) con un notable alto, en Lugo están traballando pero polo momento non se pode ver nada co cal non podo calificalos, e de Pontevedra non teño datos.

Curso Monitor Nivel I

A dirección xeral para o deporte oferta a formación de técnicos deportivos de Nivel I (Bloque común) en cursos antes do verán e despois de outubro.
Serán cursos presenciais de 45 horas e posteriormente terán que facerse en cada federación as partes especificas e as partes practicas.
Non me gusta especialmente a formula, pero e unha mais para a formación de técnicos nos concellos.
Ten o problema de sempre, impártense en Coruña (Oleiros) e Pontevedra (Pontevedra), o centro de Galicia, en Lugo e Ourense non existen, pero para poder dar unha voltiña por Galicia a inscrición non se fai por Internet, teñen os interesados que pasar por Santiago nas oficinas da dirección xeral.
Sería bo que de comezar con esto tamén fixeran os de nivel superior II e III, que non se quedara nun comezo e nada mais.
Según expoñen a noticia, parece que involucran o INEF de Coruña e Pontevedra e o Colef, o cal xa e algo bo, non todo van ser queixas.

ARRANCAMOS

Hoxe comezamos a traballar.
O grupo de técnicos dos que vos falei, xa teñen un primeiro borrador de traballo, para comezar a buscar solucións.
Este borrador farano chegar a Agaxede na xuntanza da directiva do luns.
Son unhas primeiras ideas para enfocar as cousas.
O que si necesitamos todos e unirnos e para eso estamos creando unha base de datos dos técnicos deportivos municipais.
Se queres participar en todo, podes facelo, unicamente necesitamos nome, concello, tfno e e-mail, con eso poñeranse en contacto contigo para aclarar como organizaron as cousas, e que podas aportar as túas ideas.

Praza en Soutomaior

Este día 9 de maio sae no boletín de Pontevedra unha praza de coordinador deportivo no concello de Soutomaior, do grupo II.
Parece interesante según rezan as bases de contratación e como están os baremos.
Presentarse, eu vouno pensar e comentareivos se o final me presento.